Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

fundaziun collecziun grischuna d'art​

La Collecziun grischuna d'art, ina fundaziun da dretg privat, è l'organisaziun purtadra e la possessura da la collecziun d'art dal museum d'art dal Grischun. Ella è vegnida fundada l'onn 1929 dal chantun Grischun, da l'uniun grischuna d'art e da la citad da Cuira ed ha la finamira da mantegnair, da tgirar e d'intermediar l'art grischun en il museum d'art dal Grischun a Cuira. La fundaziun Collecziun grischuna d'art è responsabla per cumpras, emprests e publicaziuns. L'onn 1979 è vegnida revedida la cunvegna da la fundaziun, cun definir da nov la cumposiziun cun mintgamai trais represchentantas u represchentants da l'uniun grischuna d'art e dal chantun Grischun ed ina represchentanta u in represchentant da la citad da Cuira.

La fundaziun ha la missiun da «furmar il cuntegn da la collecziun grischuna d'art ad in monument restant da l'art e da las stentas per l'art en noss pajais e da mantegnair il museum d'art dal Grischun sco lieu durabel per la collecziun d'art e per la preschentaziun da l'art e da las artistas e dals artists che han ina impurtanza per il Grischun».

Per novas acquisiziuns survegn la fundaziun Collecziun grischuna d'art daners dal chantun Grischun. Il budget d'acquisiziuns vegn cumplettà cun contribuziuns da persunas privatas e d'instituziuns. Plinavant dastga la fundaziun adina puspè retschaiver donaziuns generusas e legats per la collecziun.

Cussegl da fundaziun:
Prof. Dr. Walter Reinhart (President)
Nina von Albertini
Renato Bergamin
Patrik Degiacomi
Dr. Hans Hatz
Claudia Knapp
Thomas Stalder

Contact
Secretariat Museum d'art dal Grischun
info@bkm.gr.ch
T +41 81 257 28 70

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00