Sajan quai events da firmas u d'uniuns u occurrenzas da famiglia – il Museum d'art dal Grischun a Cuira è il lieu ideal per Vossa occurrenza. Il museum porscha l'ambient artistic e l'infrastructura necessaria per occurrenzas en in pitschen ed en in grond rom. Nus purschain
tranter auter visitas guidadas persunalas tras l'exposiziun u observaziuns da maletgs tenor in tema, magari tenor ina da Vossas ideas. Il team d'intermediaziun d'art ha sviluppà lavuratoris creativs per persunas creschidas. Quests lavuratoris pon vegnir organisads tenor temas e sin Voss giavisch. Laschai As cussegliar.

Encurunada vegn Vossa occurrenza, sch'ella vegn accumpagnada culinaricamain. Nossa ustiera dal Café dal museum Christina Pedersen e ses team realiseschan Vossas ideas cun blera creativitad e tenor Voss budget.

Nus As dain gugent infurmaziuns e sustegnain Vossa idea fin a sia realisaziun.

PDF Formular d'annunzia per Vossa occurenza privata

Uras d'avertura
Ma, me, ve, 9.00 – 17.00
Gi, 9.00 – 20.00
So, du, 10.00 – 17.00

Cussegliaziun per Vossa occurrenza en il museum
info@bkm.gr.ch
T +41 81 257 28 70

 

 

 

 

Il museum d'art dal Grischun As porscha visitas guidadas privatas. Quellas pon er avair lieu ordaifer las uras d'avertura regularas (cunter pajament d'ina taxa speziala). En visitas guidadas privatas fixais Vus ils puncts centrals. Nossas spezialistas e noss spezialists As assistan. Nossa ritga collecziun As porscha en quest connex chaus d'ovras en in spectrum dal classicissem fin al temp preschent. Er pon vegnir cudeschadas visitas guidadas tematicas u mess en il center aspects architectonics, quai tut tenor Voss giavischs.

PDF Formular d'annunzia per la visita en gruppa

Il museum d'art dal Grischun dispona er d'in bel café en las localitads istoricas dal salon e da la veranda d'enviern da la Villa Planta. Igl è in'occasiun ideala da cumbinar l'art e la culinarica en las localitads istoricas.

Nus As cussegliain gugent.

Infurmaziuns ed annunzia
info@bkm.gr.ch
T +41 81 257 28 70

Infurmaziuns ed annunzia Museumscafé:
Christina Pedersen, Gastgeberin
museumscafe@mumaints.ch
T +41 81 257 28 90
www.museumscafe-chur.ch