Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

DISCURS D'ART

Il discurs d’art ha lieu exclusivamain davant ils originals ed è concepì confurm al stgalim da scola respectiv. Partind dal mund d’experientscha individual da las participantas e dals participants vegn tschertgà in dialog. Elements interactivs durant la visita guidada porschan a las scolaras ed als scolars supplementarmain in access experimental e material a las ovras.

PURSCHIDAS PER CLASSAS DA SCOLA TAR LAS EXPOSIZIUNS ACTUALS   

Dance me to the End of Love. In saut dals morts
29-08 fin 22- 11 2020
L'enconuschent saut dals morts da Hans Holbein il giuven, ch'è vegnì stgaffì per la curt episcopala a Cuira, vegn mussà suenter lung temp puspè a la publicitad ed è l'occasiun per l'exposiziun tematica. En il discurs d'art vegn tematisada la confruntaziun filosofica, artistica e culturala, ma er l'atgna confruntaziun persunala cun la mort.

Cura che nus essan sparids. Quatter lavurs da video. Yuri Ancarani, Julius von Bismarck, Julian Rosefeldt, Superflex
29-08 fin 22- 11 2020
Las quatter lavurs da video animeschan da reflectar davart l'avegnir e davart la dumonda, co che nus vulain concepir quel. Durant l'entira exposiziun han lieu discurs d'art, durant ils quals las lavurs da video vegnan guardadas cuminaivlamain e discutadas. Las lavurs da video vegnan mussadas ina suenter l'autra mintgamai durant 2-3 emnas. Igl è pussaivel da vegnir ina u pliras giadas. La purschida sa drizza al stgalim secundar II, a las scolas professiunalas ed a las scolas autas.

COLLECZIUN
Cuntradas
Artistas ed artists influenzeschan cun lur preschentaziuns nossas ideas davart cuntradas. En il discurs d'art ans deditgain nus a las dumondas tge ch'è cuntrada e co ch'ella po vegnir preschentada.

Tgi sun jau?
En il center stat la contemplaziun da purtrets e d'autopurtrets. Partind da quai analisain nus, co ch'ina artista u in artist exprima caracter ed identitad en in'ovra cun agid da penelladas e da colurs.

La famiglia Giacometti
Las scolaras ed ils scolars emprendan d'enconuscher la dinastia d'artists dals Giacometti dal vitg bregagliot Stampa. Davant ils maletgs, las sculpturas e l'artisanadi vegn sclerida l'influenza da la cuntrada ed i vegn dumandà, co ch'ils artists respectivs han recepì quella en moda artisticamain differenta.






 

Fixar in termin ordavant
Lingua: tudestg, rumantsch (sursilvan), talian
Durada: 90 minutas
Custs: Per las scolinas, per las scolas popularas, per las scolas medias e per las scolas professiunalas dal chantun Grischun gratuit. Per las scolas autas spezialisadas e per classas da scola extrachantunalas 150.00 francs (excl. TPV / incl. entrada).

Annunzia
PDF
Formular d'annunzia per classas

Indemnisaziun dal temp da viadi
PDF
Indemnisaziun da viadi per classas

Urden da chasa
PDF Urden da chasa per classas

Infurmaziun ed annunzia
kunstvermittlung@bkm.gr.ch
T +41 81 257 28 72

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00