Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

materialias​

L'intermediaziun d'art dal museum d'art dal Grischun metta a disposiziun materialias d'instrucziun per tut ils stgalims da scola. Cun Voss agid emprendan las scolaras ed ils scolars d'enconuscher differentas artistas e differents artists enconuschents dal Grischun. Ultra da quai èn las materialias er adattadas per preparar u per evaluar ina visita dal museum.

MEDS D'INSTRUCZIUN
Ils suandants meds d'instrucziun pudais Vus cumprar en la butia dal museum u empustar online:

Luna. Eine Nacht im Museum. Ina notg en il museum. Una notte al museo.
Kirchners Katze – Ein Kinder-, Kunst- und Lesebuch
Giovanni Giacometti – Auf spielerische Art mit Kunst vertraut werden 
Giovanni Giacometti – Lehrmittel 
Plakat zum Spiel
Staunen, begreifen, liebäugeln – Kinder und Jugendliche im Museum 

STGATLA DAL MUSEUM
La stgatla dal museum cuntegna material che preschenta en moda variada in'artista u in artist a Vossa classa da scola. 

Ella dat ina introducziun en il tema ed intermediescha er chaussas interessantas davart la vita e davart la lavur da l'artista u da l'artist. Tras differents gieus emprenda la classa d'enconuscher meglier l'art sco er las artistas ed ils artists. Ultra da quai chattais Vus en la stgatla dal museum ideas supplementaras concepziunalas per intermediar il tema. 

TEMAS DISPONIBELS, ARTISTAS ED ARTISTS:

Bignia Corradini
E. L. Kirchner – Kirchners Katze 
Lenz Klotz 
Matias Spescha 
Hannes Vogel 
Skulpturen
Wasser 

La stgatla dal museum po vegnir emprestada gratuitamain tar l'intermediaziun d'art. La durada da l'emprest è limitada.

BIBLIOTECA
En la biblioteca da l'intermediaziun d'art datti meds d'instrucziun davart l'art, cudeschs illustrads sco er cudeschs davart la furmaziun creativa e davart temas generals da l'intermediaziun. 

La biblioteca da l'intermediaziun d'art è accessibla sin dumonda.
Ils cudeschs pon vegnir emprestads, l'emprest è limità.

Infurmaziun ed annunzia
kunstvermittlung@bkm.gr.ch
T +41 81 257 28 72

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00