Ina pausa da mezdi tut speziala As porscha il museum d'art dal Grischun. En 30 minutas scuvris Vus – grazia a la savida fundada da nossa intermediatura u da noss intermediatur d'art – ina tscherta ovra da la collecziun u d'ina exposiziun. Suenter l'inspiraziun artistica chattais Vus il daletg culinaric en noss café da museum cultivà, avant che Vus As deditgais inspirada u inspirà puspè al mintgadi.

Regularmain, mintgamai da las 12.30 fin las 13.00

Annunzia: betg necessaria
Lingua:
tudestg
Durada:
60 minutas
Custs: inclus en il pretsch d'entrada

 

 

Far experientschas na signifitga betg mo consumar, mabain er concepir, crear u inervegnir sezza u sez. Il museum d'art dal Grischun a Cuira organisescha permanentamain lavuratoris tematics per uffants, per giuvenils e per persunas creschidas, nua ch'i pon vegnir creadas atgnas ovras u nua ch'i po vegnir reflectà en gruppas davart l'art. Ils lavuratoris intermedieschan infurmaziuns da basa ubain sa drizzan a persunas avanzadas. Infurmaziuns correspundentas chattais Vus mintgamai en las purschidas.

Returnai tar quest punct, sche Vus vulais As infurmar davart ils lavuratoris che han lieu irregularmain ubain abunai nossa newsletter.

Durada: 120 Minutas
Custs: CHF 300.00 (excl. TPV) plus entrada en il museum per persuna (pretsch collectiv)
Termin tenor cunvegnientscha

Infurmaziun ed annunzia
kunstvermittlung@bkm.gr.ch
T +41 81 257 28 72

Infurmaziun e cussegliaziun Café dal museum:
Christina Lindquist, ustiera 
museumscafe@bkm.gr.ch
T + 41 81 257 28 90

Il museum d'art dal Grischun a Cuira è in museum d'inscunters e d'experientschas. La gronda part da las occurrenzas furma ina part integrala da las exposiziuns, figurescha però natiralmain sco occurrenzas spezialas en nossa agenda.

Il museum sa chapescha er sco forum, nua ch'i vegnan discutadas tant dumondas da l'istorgia d'art sco er dumondas socialas, artisticas, filosoficas, quotidianas, istoricas, scientificas, creativas u spontanas. Nus iniziain talas occasiuns e moderain quellas, Vus prendais posiziun, dais impuls, instruis, emprendais, dirigis u giudais silenziusamain las occurrenzas. 

 Tranter la purschida multifara d'excursiuns, da dietas specificas, da simposis e.u.v. chattais Vus segiramain il format che As correspunda.

Custs: Las occurrenzas spezialas n'èn betg tuttas gratuitas.

Vernissage in der Villa Planta

Las vernissaschas da nossas exposiziuns èn publicas e nus ans legrain, sche Vus festivais ensemen cun nus las artistas ed ils artists, l'art ed ina saira plain inscunters. En noss chalender e sin las paginas da las exposiziuns chattais Vus las datas e las uras exactas.

Er nossa newsletter. As infurmescha regularmain.

Sco commembra u commember da l'uniun grischuna d'art survegnis Vus ultra d'auters avantatgs ina invitaziun persunala.

Il Museum d'art dal Grischun Cuira organisescha regularmain visitas guidadas tar las exposiziuns e preschentaziuns da las collecziuns. Durant in tur da 60 minutas emprendais Vus d'enconuscher l'exposiziun entira e tschertas ovras pli detagliadamain, e quai sut la direcziun cumpetenta da nossas intermediaturas e da noss intermediaturs d'art.


Custs: inclus en il pretsch d'entrada
Lingua: tudestg
Durada: 60 minutas
Annunzia: 
betg necessaria