Bündner Kunstmuseum
Postplatz
CH–7000 Chur
Tel. ++41 81 257 28 68
Fax ++41 81 257 21 72
E-mail: info(at)bkm.gr.ch
Öffnungszeiten
Montag geschlossen
Di–So 10–17 Uhr
- Stephan Schenk
Arvenwald Tamangur, S-charl, 2004
La retscha da fotografias mussa il guaud da schembers Tamangur
Il guaud da Tamangur, sco ch'el sa cloma per rumantsch, sa chatta en la val
S-charl sper Scuol en Engiadina bassa a 2322 m.s.m. e vala sco guaud da schembers il pli aut situà da l'Europa. Dapi la stad 2007 è il guaud da Tamangur in reservat da guaud. Qua na pon ins betg terrar plantas u allontanar laina dal guaud. Natira e quietezza ston vegnir resguardadas.
Stephan Schenk ha fatg questa retscha da fotografias l'onn 2004.
Has ti remartgà ch'igl è tuttina, nua che ti cumenzas a colliar la retscha? L'artist ha fotografà 360°, quai vul dir ch'el ha illustrà ina giada l'entira situaziun enturn el.
Stephan Schenk è naschì l'onn 1962 en Germania e viva oz a Lüen.
El ha emprendì fotograf e s'interessa fitg per ses ambient. En sias lavurs chattain nus adina puspè vistas da la cuntrada. El illustrescha pia quai che l'interessa e quai che al circumdescha. Quai po esser en la citad, en la champagna, en il guaud, en las muntognas u a la mar.