Bündner Kunstmuseum
Postplatz
CH–7000 Chur
Tel. ++41 81 257 28 68
Fax ++41 81 257 21 72
E-mail: info(at)bkm.gr.ch
Öffnungszeiten
Montag geschlossen
Di–So 10–17 Uhr
- Gaspare Otto Melcher
Zeta Talk I, 1999
Art en il lavuratori d'ideas villa Garbald, Castasegna
La fundaziun Garbald (www.denklabor-villa-garbald.ch) ha pussibilità da renovar l'onn 2004 accuratamain la villa Garbald, ch'era vegnida construida da Gottfried Semper l'onn 1863, e da la cumplettar cun la tur d'abitar Roccolo dals architects Miller e Maranta. Dapi lura utiliseschan la scola politecnica federala e l'universitad da Turitg la villa e sia construcziun annexa sco center da seminaris e sco lavuratori d'ideas. Il museum d'art dal Grischun a Cuira tgira – sco "staziun externa" – il lavuratori d'ideas da la villa Garbald: La finamira è da cuntanscher in dialog interdisciplinar tranter las scienzas natiralas e l'art figurativ. En ina "installaziun artistica" ch'è vegnida concepida en spezial per quest lieu vegnan preschentadas ovras da la collecziun dal museum d'art dal Grischun en l'intimitad da las chombras privatas e dals locals che vegnan utilisads communablamain. Questas "installaziuns artisticas" n'èn betg mo ina contribuziun significativa per la periferia e per la Bregaglia, mabain promovan er in barat cultural tranter las regiuns.
Davart mintga installaziun artistica cumpara ina broschura per tudestg, per talian e per englais. Shop
Installaziun artistica actuala
Gaspare O. Melcher – Percorsi concettuali / Wanderung der Konzepte
dals 16 d'october 2009 fin ils 9 d'october 2011
Mussà vegn in pitschen extract da l'immens univers artistic da l'ovra da Gaspare O. Melcher, oriund da l'Engiadina bassa, che ha lavurà l'emprim ad Amsterdam, che ha dentant dapi l'onn 1975 il center da sia vita a Vada en Italia – spassegiadas artisticas, cun las qualas igl è er manegià da traversar cunfins en moda subtila, schizunt subversiva. La noziun "percorsi concettuali" fa allusiuns a la strategia artistica concisa da l'artist, ina strategia che Melcher persequitescha consequentamain dapi prest quaranta onns.
Installaziuns artisticas anteriuras
Alberto Giacometti und Andrea Garbald. Fotografien von Andrea Garbald, Herbert Matter und Ernst Scheidegger
dals 15 d'october 2005 fin ils 30 da matg 2007
Varlin im Bergell. Fotografien von Daniel Cartier – im Dialog mit Zeichnungen von Varlin
dal 1. da zercladur 2007 fin ils 14 d'october 2009
- Ausstellungsplakat
- Ausstellungskatalog
(erhältlich im Shop)