(Kopie 58)

Exposiziun annuala da las artistas e dals artists dal Grischun 2011/2012

Museum d'art dal Grischun a Cuira, dals 11 da december 2011 fin ils 22 da schaner 2012

Sco finiziun dal program d'exposiziun 2011 preschenta il museum d'art dal Grischun a Cuira l'exposiziun annuala da las artistas e dals artists dal Grischun. L'exposiziun dat ina survista da la lavur artistica actuala prestada en il e dal Grischun. Quest onn èn vegnidas envidadas 50 artistas ed artists da mussar lur ovras. Quai è in terz dapli ch'ils onns passads.

Er quest onn terminescha l'exposiziun annuala populara da las artistas e dals artists dal Grischun il program d'exposiziun dal museum d'art dal Grischun a Cuira. Autorisads da sa participar èn artistas ed artists ch'èn burgais dal Grischun u ch'èn creschids si en il Grischun sco er tut quellas e quels che han gia dapi almain in onn domicil fix en il chantun. Las artistas ed ils artists èn s'annunziads per sa participar a l'exposiziun cun ina documentaziun e cun ina proposta d'exposiziun da maximalmain trais ovras. Tut las annunzias èn vegnidas valitadas, quai vul dir èn vegnidas admessas a l'exposiziun u refusadas. Da la giuria han fatg part sco adina dus represchentants da l'uniun grischuna d'art (Arianna Nussio; Armando Ruinelli), in represchentant da las artistas e dals artists dal Grischun (Gaudenz Signorell), ina persuna a libra tscherna (Ute Haferburg, directura dal teater Cuira) sco er ina experta u in expert d'ordaifer (Roman Kurzmeyer, curatur ed autur liber). Totalmain hai dà 135 annunzias. La giuria ha tschernì ed admess 50 artistas ed artists a l'exposiziun. Quai è circa in terz dapli ch'ils onns passads. Per l'emprima giada metta il museum d'art dal Grischun a disposiziun ultra da l'edifizi Sulser er parts da la Villa Planta per preschentar las ovras en moda generusa.

La vernissascha publica da l'exposiziun ha lieu sonda, ils 10 da december 2011, a las 17.00. Durant l'exposiziun vegn organisada mintga gievgia saira ina visita guidada publica sco er ina bar artistica ch'envida ad in barat da las artistas e dals artists cun il public interessà. L'exposiziun dura fin ils 22 da schaner 2012.

Stephan Kunz

Quest onn sa participeschan las suandantas artistas ed ils suandants artists: Karin Aeschlimann, Elia Aubry, Julia Barandun, Mirko Baselgia, Corina Bezzola,
Andri Bischoff, Flurin Bischoff, Bianca Brunner, Evelina Cajacob, Jacinta Candinas, Sandra Capaul, Claudio Casapulla, Kurt Caviezel, Gianin Conrad, Luis Coray, Damiano Curschellas, Hans Danuser, Walter Derungs, Corsin Fontana, Gabriela Gerber/Lukas Bardill, Conrad Jon Godly, Annatina Graf, Chris Hunter, Monica Ursina Jäger, Patricia Jegher, Lilly Keller, Zilla Leutenegger, Catrin Lüthi K, Gaspare O. Melcher, Julia Minnig, Ursula Palla, Elisabeth Payer, Christina Peretti, Nara Pfister, Florio Puenter, Corinne Rusch, Christoph Rütimann, Gioni Signorell, Andreas Sonder, Jules Spinatsch, Alfred Suter, Claudia Schmid, Peter Trachsel, Javier Miguel Verme, Corsin Vogel, Hannes Vogel, Pascale Wiedemann/Daniel Mettler, Lydia Wilhelm, Dominik Zehnder, Thomas Zindel  

Vernissascha
sonda, ils 10 da december 2011, a las 17.00

Referents: Martin Jäger, cusseglier guvernativ, e Stephan Kunz, directur dal museum d'art dal Grischun a Cuira

Visitas guidadas publicas
mintgamai la gievgia, a las 18.00

15 da december 2011
22 da december 2011
05 da schaner 2012
12 da schaner 2012
19 da schaner 2012

Bar artistica
15 da december 2011 (cun Fernwärme #2)
22 da december 2011 (cun Hannes Vogel e Gerber/Bardill)
5 da schaner 2012 (cun Dominik Zehnder)
12 da schaner 2012 (cun Christian Ratti, Menga Dolf)
19 da schaner 2012 (cun Fernwärme #2)

Intermediaziun d'art

Jau ina artista – ti in artist
Visitas guidadas da la pedagoga dal museum per tut ils stgalims da scola, mintgamai la mesemna e la gievgia. Annunzias per plaschair ad alexa.giger@bkm.gr.ch u 081 257 28 72

Ateliers per uffants
Ans laschai guardar, smirvegliar, dumandar, respunder e suenter daventar sezs activs en l'atelier.

Atelier I
per uffants da 6 fin 8 onns, ils 21 da december 2011, da las 14.00 fin las 16.00       

Atelier II
per uffants da 9 fin 12 onns, ils 14 da schaner 2012, da las 14.00 fin las 16.00

Atelier rumantsch
ils 21 da schaner 2011, da las 14.00 fin las 16.00

Uras d'avertura durant ils firads:
ils 24 ed ils 31 da december 2011: da las 10.00 fin las 17.00
ils 26 da december 2011 ed ils 2 da schaner 2012: da las 10.00 fin las 17.00
ils 25 da december 2011 ed il 1. da schaner 2012: serrà l'entir di

ALBERTO GIACOMETTI: VESÌ DA NOV

Museum d’art dal Grischun, dals 21 da matg fin ils 4 da settember 2011

Il maletg che nus avain da l'artist Alberto Giacometti (1901–1966) han numeru­sas fotografas e numerus fotografs influenzà e gidà a definir decisiva­main. En ils catalogs d'exposiziun, en las publicaziuns ed en ils cudeschs davart l'artist, ch'èn cumparids fin oz en in dumber nunsurvesaivel, mancan las pli paucas giadas purtrets fotografics da l'artist u illustraziuns che al mussan en l'atelier, a la lavur u cun sia dunna Annette, cun ses frar Diego, cun amias ed amis ubain cun persunas enconuschentas. Las nundumbraivlas fotografias d'Alberto Giacometti e ses atelier, ch'èn vegnidas fatgas oravant tut durant ils onns 1950 e durant il cumenzament dals onns 1960, demussan tuttas, co che l'artist e ses conturns da lavur directs fascineschan auters.

Vers la fin da l'onn 2008 ha in collectader privat purschì al museum d'art dal Grischun duas mappas cun fotografias singulas ed ina retscha dissegns d'Alberto Giacometti. Quest material nunenconuschent, cumpiglia maletgs ch'ins n'ha anc mai vesì e per la gronda part betg publitgà – artefacts figurativs fitg infurmativs che fascineschan. L'offerta è vegnida fatga explicitamain cun l'inten­ziun e cun il giavisch ch'il convolut stoppia vegnir mantegnì cumplet­tamain e possia chattar ina plazza stabla en il museum d'art dal chantun d'origin d'Alberto Giacometti. A la tschertga da la finanziaziun è sa mess a disposiziun l'interprendider Remo Stoffel ch'era gia ordavant s'interessà da s'engaschar cun chaschun culturalmain e da sustegnair il museum d'art dal Grischun. Pia ha Remo Stoffel cumprà il material artistic ed ha surlaschà quel al museum d'art sco deposit a lunga vista. Uschia vegn cumplettà ed accentuà da nov l'effectiv da Giacometti en il museum d'art dal Grischun, e quai nunusitadamain dentant en moda e maniera marcanta.

Las fotografias da differentas fotografas e da differents fotografs enconu­schents e nunenconuschents – tranter auter Kurt Blum, Henri Cartier-Bresson, Loomis Dean, Robert Doisneau, Douglas Glass, Alexander Liberman, Herbert Matter, Gordon Parks, Man Ray, Jean-Régis Roustan, Ernst Scheidegger – mussan l'artist a la lavur en ses ateliers a Paris, a Stampa ed a Malögia, en il conturn urban da Montparnasse ubain en la cuntrada rurala da la Bregaglia. Ellas dattan invista da l'atelier bandunà sco er d'ovras d'Alberto Giacometti. Intginas fotografias pli privatas raquintan er da l'affecziun intima dals conjugals Alberto ed Annette.

L'effectiv da quest convolut extraordinari agiunta novas fassettas al maletg enconuschent e mussa Alberto Giacometti per part dad ina vart nunspetgada – quai che relativescha qua e là il maletg ch'ins ha gì fin uss dal pictur e sculptur renumà.

A l'exposiziun en il museum d'art a Cuira entran las fotografias ed ils dissegns en in dialog sclerind cun sculpturas e maletgs extraordinaris da collecziuns da museums e da possess privat ch'èn vegnids tschernids cun quità.

Vernissascha
venderdi, ils 20 da matg, a las 19.00

Visitas guidadas                                                                                        
Visitas guidadas publicas las gievgias, ils 16, ils 23, ed ils 30 da zercladur, ils 7 ed ils 21 da fanadur, ils 11 ed ils 18 d'avust, mintgamai da las 12.30 fin las 13.30.

Visitas guidadas privatas ed occurrenzas privatas per gruppas, per firmas, per uniuns e.u.v. han lieu sin dumonda.

Publicaziun en furma da catalog                                                                                    
Alberto Giacometti: Neu gesehen, cun contribuziuns da Katharina Ammann, da Dieter Koepplin, da Nicole Seeberger, da Beat Stutzer e da Gabriella Zinke, 256 paginas ca. 180 fotografias, 22 x 28 cm, chasa editura Scheidegger & Spiess, Turitg 2011, CHF 49.– / CHF 40.– per commembras e per commem­bers da l'UGA (Ediziuns en tudestg ed en englais)

Vernissascha dal cudesch
Über Giacometti reden. Begegnungen mit Eberhard W. Kornfeld und Ernst Scheidegger, en preschientscha da l'autur Renato Bergamin e da las perditgas da quel temp Kornfeld e Scheidegger, mardi, ils 31 da matg, a las 19.00.

Art sur mezdi                                                                                             
Contemplaziuns da las ovras las gievgias, ils 26 da matg ed ils 9 da zercladur, da las 12.30 fin las 13.00 davart lavurs d'Alberto Giacometti, cun Beat Stutzer.

Gruppa da discussiun
Künstler vor der Kamera. Zwischen Mythos und Dokumentation
En il rom da FOTO SZENE GR discuteschan persunas spezialisadas sco er fotografas e fotografs davart il purtret d'artist en la fotografia. Organisà da Katharina Ammann e da Nicole Seeberger, gievgia il 1. da settember, a las 18.30.

Pedagogia da museum
Introducziun per persunas d'instrucziun: ils 8 da zercladur, da las 17.00 fin las 19.00.
Annunzia necessaria

Atelier I: Per uffants da 6 fin 12 onns, ils 8 da zercladur, da las 14.00 fin las 16.00.
Atelier rumantsch: ils 15 da zercladur, da las 14.00 fin las 16.00.
Atelier II: Per uffants da 9 fin 12 onns, ils 22 da zercladur, da las 14.00 fin las 16.00. 

Cun il sustegn da:                                                                         
Banca chantunala grischuna
Promoziun da la cultura dal chantun Grischun
Fundaziun Boner per art e cultura
STOFFELpart