Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

scola primara​

DISCURS D'ART E LAVURATORIS

ACTUAL
EXPOSIZIUN ANNUALA DA LAS ARTISTAS E DALS ARTISTS DAL GRISCHUN
24-11 FIN 26-01-2020
L’exposiziun dat ina survista da la lavur artistica actuala prestada en il Grischun. En il discurs d’art exercitain nus la critica d’art. Per quest intent simulescha la classa in process fictiv davant dretgira. Cun formular plants, cun nominar defensurs e defunsaras che defendan l’ovra ed ils artists e cun nominar giuraders e giuradrasche interrogheschan perditgas, duai resultar ina discussiun animada davart l’art contemporan. 

COLLECZIUN
CUNTRADAS
En in discurs d'art vegnan contemplads detagliadamain maletgs da cuntradas. Tge experientschas ha l'artist fatg cun las cuntradas e co ha el empruvà da tschiffar quellas? En l'atelier èsi pussaivel da far sez experientschas sco pictur da cuntradas.

TGE COLUR HA IL TSCHIEL?
Dumonda simpla: natiralmain blau! Ma èsi propi uschia? A maun da contemplaziuns da maletgs empruvain nus da respunder questa dumonda e rimnain «colurs dal tschiel» ch'ans dattan l'inspiraziun per in agen maletg dal tschiel en l'atelier.

L'ISTORGIA DAL MUSEUM
Ina visita guidada ludica ed interactiva tras la Villa Planta e l'edifizi nov avischina las scolaras ed ils scolars a l'architectura. Tge istorgias sa zuppan davos ils edifizis? Co è la Villa Planta daventada in museum? Co è sa midada l'architectura dal museum en il decurs dals onns?  Co stattan la Villa Planta e l'edifizi nov dals architects Barozzi/Veiga da Barcelona architectonicamain en in dialog?

LA FAMIGLIA GIACOMETTI
Las scolaras ed ils scolars emprendan d'enconuscher la dinastia d'artists dals Giacometti dal vitg bregagliot Stampa. Davant ils maletgs, las sculpturas e l'artisanadi vegn sclerida l'influenza da la cuntrada e vegni dumandà, co che quella è vegnida concepida en moda artisticamain differenta dals artists respectivs.

TGI SUN JAU?
En il center stat la contemplaziun da purtrets e d'autopurtrets. Partind da quai analisain nus, co ch'ina artista u in artist exprima ses caracter e sia identitad en in'ovra cun agid da penelladas e da colurs. Las observaziuns vegnan applitgadas suenter en l'atelier cun far in autopurtret. 

Per classas da la scola primara vegn la visita dal museum purschida sco discurs d'art u sco lavuratori. En l'exposiziun examineschan las scolaras ed ils scolars en il discurs ed en pitschnas activitads artisticas ovras, tecnicas, artistas ed artists sco er il lieu, il museum. Questas enconuschientschas pon vegnir approfundadas cGaudenz signorell. Carte de visite
24-02 – 27-05-2018un incumbensas e lavurs da project artisticas en il lavuratori che ha lieu en l'atelier dal museum.

Fixar in termin ordavant

Durada dal discurs d'art: 90 minutas
Durada dal lavuratori: 120 minutas
Custs per scolas primaras chantunalas: gratuit
Custs per scolas primaras or da chantun: discurs d'art CHF 150.00 (incl. entrada), lavuratori CHF 200.00 (incl. entrada)

PDF Urden da chasa per classas

PDF Indemnisaziun da viadi per classas

Annunzia
PDF
Formular d'annunzia per classas

Infurmaziun
kunstvermittlung@bkm.gr.ch
T +41 81 257 28 72 

 
Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00