Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

​scola spezialisada

DISCURS D'ART E LAVURATORIS

ACTUAL
Ord la profunditad dal temp. Art grischun dal temp avant 1530
14-04 FIN 15-09-2019
En il discurs d'art vegnan menziunads il concept da l'exposiziun ed il tractament particular da l'architectura da la Villa Planta. Tras las fotografias da Florio Puenter dain nus in sguard sin la lavur artistica contemporana. Nus discutain la tscherna dals motivs fotografics e l'istorgia da l'art ritg e vegl en il Grischun.

TRANSVERSAL. Cuntradas ord la collecziun
16-03 FIN 24-11-2019 
Artistas ed artists influenzeschan cun lur preschentaziuns nossas ideas davart cuntradas. En il cabinet vegnan mussadas ovras centralas da la collecziun dal museum d'art dal Grischun. En il discurs d'art ans deditgain nus a las dumondas tge ch'è cuntrada e co ch'ella po vegnir preschentada. En il lavuratori mettain nus il focus – en las cuntradas malegiadas da nus sezs – sin il stil, sin la colur e sin la tscherna dal motiv.

PASSIUN. MALETGS DA CHATSCHA
22-06 FIN 27-10-2019
La gronda exposiziun da giubileum è deditgada a la chatscha. En ils discurs d'art ed en ils lavuratoris respundain nus las dumondas provocadas da l'exposiziun: Tgi èn las chatschadras ed ils chatschaders e tgi vegn persequità? Co è sa midada la preschentaziun da chatscha en il decurs dal temp? La part creativa recepescha la discussiun èn moda creativa tras il gieu ed approfundescha uschia quai ch'è capità. 

 
COLLECZIUN
L'ISTORGIA DAL MUSEUM 
Ina visita guidada ludica ed interactiva tras la Villa Planta e l'edifizi nov avischina las scolaras ed ils scolars a l'architectura. Tge istorgias sa zuppan davos ils edifizis? Co è la Villa Planta daventada in museum? Co è sa midada l'architectura dal museum en il decurs dals onns?  Co stattan la Villa Planta e l'edifizi nov dals architects Barozzi/Veiga da Barcelona architectonicamain en in dialog?

LA FAMIGLIA GIACOMETTI
Las scolaras ed ils scolars emprendan d'enconuscher la dinastia d'artists dals Giacometti dal vitg bregagliot Stampa. Davant ils maletgs, las sculpturas e l'artisanadi vegn sclerida l'influenza da la cuntrada e vegni dumandà, co che quella è vegnida concepida en moda artisticamain differenta dals artists respectivs. 

TGI SUN JAU? 
En il center stat la contemplaziun da purtrets e d'autopurtrets. Partind da quai analisain nus, co ch'ina artista u in artist exprima ses caracter e sia identitad en in'ovra cun agid da penelladas e da colurs. Las observaziuns vegnan applitgadas suenter en l'atelier cun far in autopurtret. 

Per scolas spezialisadas vegn la visita dal museum purschida sco discurs d'art u sco lavuratori. En l'exposiziun examineschan las studentas ed ils students en il discurs ed en activitads artisticas ovras, tecnicas, artistas ed artists sco er il lieu, il museum. Questas enconuschientschas pon vegnir approfundadas cun ulteriuras incumbensas e lavurs da project artisticas en il lavuratori che ha lieu en l'atelier dal museum. Las studentas ed ils students emprendan d'enconuscher il museum, sias incumbensas e sia art e scuvran il lieu en moda captivanta ed inspiranta.

Fixar in termin ordavant

Durada dal discurs d'art: 90 minutas
Durada dal lavuratori: 120 minutas
Custs per scolas dal chantun Grischun: gratuit
Custs per scolas or da chantun: discurs d'art CHF 150.00 (incl. entrada), lavuratori CHF 200.00 (incl. entrada)

PDF Urden da chasa per classas

Annunzia
PDF
Formular d'annunzia per classas

Infurmaziun
kunstvermittlung@bkm.gr.ch
T +41 81 257 28 72

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00