famiglia

GIEU DA LA MARELLA
Cun il gieu da la marella daventa la visita dal museum in'aventura captivanta per detectivas e detectivs da mintga vegliadetgna. En il museum pon vegnir fatgas observaziuns e scuvertas fitg differentas e surprendentas. Uschia pon ins per exempel chattar fastizs da visitadras e da visitaders da pli baud ubain chaussas fitg preziusas ...
Il gieu da la marella po vegnir cumprà en il museum per 3.– francs.

Sut museumslupe.ch pos ti emprender ad enconuscher en moda digitala 70 museums da tut la Svizra. Er il museum d'art dal Grischun è da la partida.

www.museumslupe.ch

PLAN AN DA LA CITAD PER UFFANTS
Quest plan accumpogna uffants tras la citad veglia da Cuira en ils trais museums chantunals. Sin la via fin là pon els scuvrir bleras chaussas captivantas e nunspetgadas. Arrivads en il museum, cuntinuescha il viadi d'exploraziun cun gieus e cun engiavineras.

Il plan da la citad per uffants datti gratuitamain en ils museums da Cuira sco er tar l'infurmaziun turistica en il sutpassadi da la staziun da Cuira.

PDF Plan da la citad per uffants

CUC – Il plan d‘exploraziun per uffants
Il plan d’exploraziun «CUC» è dapli ch’in plan da survista. El sviluppa l’egliada per ils stgazis ch’èn da vesair en il museum e dat in’egliada davos las culissas dal manaschi da museum. «CUC» envida ils uffants a partir da sis onns – tut sulet u cun ils geniturs - da smirvegliar, scuvrir e d’emprender d’enconuscher il Museum d’art dal Grischun. A moda ludica chaminan ils uffants e lur famiglias tras il bajetg d’engrondiment e la Villa Planta. Cun observar, dissegnar e schliar ils ligns vegn il museum d’art explorà.
Il plan d’exploraziun en las trais linguas chantunalas po vegnir retratg gratuitamain a la cassa dal museum. 

Infurmaziun ed annunzia
kunstvermittlung@bkm.gr.ch
T +41 81 257 28 72