Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

Prevista

 
exposiziun annuala da las artistas e dals artists grischuns
10-12-2017 fin 28-01-2018​

Sco forum il pli impurtant per l'art contemporan en il Grischun ha lieu il december l'exposiziun annuala da las artistas e dals artists grischuns.

Ina giuria spezialisada che sa cumpona da dus commembers da l'uniun grischuna d'art, d'in commember da visarte.grischun, d'ina artista u d'in artist e d'ina persuna spezialisada da l'extern, valitescha las lavurs inoltradas e tscherna las ovras las pli persvadentas per l'exposiziun. L'exposiziun annuala permetta uschia ina survista da l'operar actual da las artistas e dals artists grischuns contemporans ed als dat la pussaivladad da mussar lur ovras en in lieu prominent.

Quest onn ha la giuria envidà 32 artistas ed artists a mussar lur ovras:
Remo Albert Alig, Guido Baselgia, Mirko Baselgia, Bianca Brunner, Fadri Cadonau, Evelina Cajacob, Livio Casanova, Luis Coray und Hermano Santos da Bôa Morte, Damiano Curschellas, Joachim Dierauer, Corsin Fontana, Chris Hunter, Monica Ursina Jäger, Lilly Keller, Jaromir Kreiliger, Nadia Leonhard, Zilla Leutenegger, Sara Masüger, Gaspare O. Melcher, Camillo Paravicini, Michel Pfister, Ramona Proyer, Daniel Rohner, RUMORI (Micha Bietenhader und Timo Ullmann), Christoph Rütimann, Stephan Schenk, Claudia Schmid, Linda Semadeni, Gion Signorell und Flurina Sokoll.

Il museum d'art dal Grischun accumpogna l'exposiziun cun occurrenzas ed è il lieu da reuniun e la plattafurma da barat per artistas ed artists sco er per visitadras e visitaders.

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00