Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

Prevista

Erica Pedretti. estra avunda
22.02.-07.06.2020

En ina preschentaziun da Katalin Déer e da Lukas Furrer

Erica Pedretti è ina persunalitad excepziunala en l’art ed en la litteratura da la Svizra. Ultra da ses success sco scriptura ha ella stgaffì sia atgna ovra sco artista figurativa, in’ovra che po vegnir scuvrida oz da nov. Schebain ch’i sa mussan adina puspè colliaziuns e cruschadas infurmativas tranter maletg e text, metta l’exposiziun en il museum d’art dal Grischun en il center l’ovra da l’art figurativ.
Erica Pedretti è naschida l’onn 1930 a Sternberg (Moravia dal nord/Tschechia). L’onn 1946 è ella sa domiciliada en Svizra. A Turitg è ella sa laschada scolar a l’argientera ed ha creà emprimas ovras temprivas da pitschen format che han anticipà ils objects ligers ed arius da pli tard. Cun ses «objects d’alas» è Erica Pedretti sa preschentada en la publicitad l’emprima giada ils onns 1970 sco artista figurativa ed ha sviluppà or da quai ina gronda famiglia d’objects che sveglian associaziuns ad utschels ed a peschs. Quels ha ella confruntà cun sculpturas che sume glian skelets e che paran dad esser reducidas a l’essenza da l’esser. Parallelamain a quai è sa sviluppada in’ovra da dissegns extremamain fins che accentuescha il caracter intim da questas lavurs.

L’exposiziun è vegnida realisada en collavuraziun cun il museum NMB Neues Museum Biel. Per la preschentaziun en il museum d’art dal Grischun han pudì vegnir gudagnads l’artista Katalin Deér e l’architect Lukas Furrer che construeschan in’atgna structura en il local d’exposiziun e che creeschan uschia in rom specific per las ovras fragilas.


Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00