Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

2017

NOT VITAL
univers privat
09.09. - 19.11.2017​

Not Vital, Chasa i Bogn, 1970
Not Vital (*1948) è in artist da l'Engiadina bassa che ha success sin plaun internaziunal. Malgrà la stretgezza da la val, en la quala el è creschì si, mussan gia sias emprimas ovras la simbolica da la superaziun da cunfins e da limitas. Gia fitg baud è el partì per reprender en auters lieus ed en contact cun autras culturas il mund da maletgs che l'ha caracterisà dapi sia uffanza e giuventetgna. La moda da pensar universala colliada cun la stinadadad fixa da l'artist è caracteristica per ses operar. Not Vital lavura sin tut ils continents da la terra e cun quasi tut ils mediums: sculptura, dissegn, pictura, stampa grafica ed architectura sa cumpletteschan ad in'ovra cumplexa.

L'exposiziun en il museum d'art dal Grischun è l'emprima survista da l'ovra en in museum svizzer ed unescha lavurs da l'onn 1964 fin oz. Ella mussa co che Not Vital absorbescha cun stil franc elements archetipics en lur expressivitads regiunalas da dapertut da quest mund ed als transfurma en ina mitologia individuala. L'exposiziun d'ina dimensiun generusa cumpiglia las localitads dal tract nov sco er da la Villa Planta.
Uras d'averturaMa-Du 10.00 – 17.00 Gi 10.00 – 20.00