Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

2014

Andrea garbald
Fotograf und Künstler
15.02. – 11.05.2014

Andrea Garbald (1877 – 1958) è restà durant sia entira vita collià cun sia patria, la Bregaglia. El è stà il cronist da la val ed ha creà purtrets sco er maletgs da cartas postalas e fotografias da la cuntrada. Parallelamain ha el stgaffì in'ovra fotografica autonoma e sviluppà in'estetica dal maletg ch'è stada unica da ses temp. Il museum d'art dal Grischun preschenta per l'emprima giada en moda cumplessiva l'ovra d'Andrea Garbald sco fotograf e sco artist.

L'ovra d'Andrea Garbald sto vegnir considerada en il ritg context cultural, en il qual ella è naschida. La Villa Garbald creada da Gottfried Semper, la biblioteca da la famiglia, la lavur litterara da la mamma Silvia Andrea. Entant ch'il purtret che Andrea Garbald ha fatg da la famiglia Giacometti è daventà enconuschent sin l'entir mund, è ses creatur ì en emblidanza. Las lavurs sin incarica l'han interessà adina main, cun sia fotografia libra è el percunter restà dal tuttafatg autonom ed è sa retratg pli e pli. Uschia è er sia ovra restada ditg nunenconuschenta. Pir onns suenter sia mort è ella puspè vegnida a la glisch. Ses relasch vegn tegnì en salv oz en il museum d'art dal Grischun.

En l'exposiziun vegnan mussadas copias originalas. Parallelamain vegn sviluppada in'atgna furma da preschentaziun per ils numerus negativs sin vaider. Parts da la biblioteca e documents auditivs dattan ulteriuras invistas en il mund d'Andrea Garbald.
L'exposiziun stat en connex cun il giubileum da «150 onns Villa Garbald». A questa chaschun cumpara l'emprima monografia davart il fotograf ed artist.

Vernissascha: venderdi, ils 14 da favrer, a las 18.00
Bainvegni: cusseglier guvernativ Martin Jäger e Vreni Müller-Hemmi, presidenta da la Fundaziun Garbald
Introducziun: Stephan Kunz, directur dal museum d'art dal Grischun

Catalog
Beat Stutzer (editur), Andrea Garbald (1877–1958). Fotograf und Künstler im Bergell, edì da la Fondazione Garbald e dal museum d'art dal Grischun a Cuira, cun in discurs tranter Stephan Kunz e Hans Danuser, text tudestg e talian, ca. 240 paginas, 170 illustraziuns en alv e ner

Test 2

 

2. MAZ TEST EDGE CHECK-IN

3. TEST MAZ EDEGE PUBLISH

4. TEST MAZ FF CHECK-IN

5. TEST MAZ FF PUBLISH

6. TEST MAZ IE CHECK-IN

7. TEST MAZ IE PUBLISH

8. TEST MAZ CHROME CHECK-IN

9. TEST MAZ CHROME PUBLISH

Uras d'averturaMa-Du 10.00 – 17.00 Gi 10.00 – 20.00