Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

2014

​leitlinien
Die kunst des zeichnens von arnold böcklin bis richard tuttle
07.06. – 31.08.2014

Dà è in fegl da palpiri: ina surfatscha, quatter urs. Cun meds simpels, cun lingias, cun furmas e cun structuras emprovan artistas ed artists da s'appropriar questas chaussas elementaras. La reflexiun davart ils meds per crear maletgs fa part cunzunt da la basa da l'art concepziunal e minimalistic enturn ils onns 1970. Quai chaschuna ina nova valitaziun dal dissegn; per l'ina ha il dissegn obtegnì ina valur speziala en la pratica artistica dal temp e per l'autra è vegnì valità da nov l'art dal dissegnar er d'autras epocas. Sut quest aspect è naschida la collecziun che vegn preschentada qua. Cun ovras da l'art american dals onns 1960 e 1970 ha ella cumenzà ed ha er tschentà in da ses accents principals. Partind da quai èn s'avrids novs champs d'interess: Autras ovras or d'auters connexs èn s'agiuntadas: Ovras singulas gist tuttina sco collecziuns voluminusas. La selecziun è vegnida fatga main tenor connexs da l'istorgia d'art che plitost tenor muments visuals che na substitueschan betg ils contexts istorics, mabain als cumpletteschan. Or da questa perspectiva resultan colliaziuns surprendentas suror las epocas ed ils spazis. L'avertadad envers ils meds figurativs specifics che determineschan mintga singul dissegn daventa il "leitmotiv" è dat nov nutriment a l'egl che observa e che enconuscha. Las valitaziuns gia furmadas vegnan relativadas ed i s'avran novas perspectivas. Mussadas vegnan tranter auter ovras dad Arnold Böcklin, da Ferdinand Hodler, da Félix Vallotton, da René Auberjonois, da Lucio Fontana, dad Eva Hesse, da Sol LeWitt, da Donald Judd, da James Bishop e da Richard Tuttle.

Vernissascha: venderdi, ils 6 da zercladur 2014, a las 18.00
Introducziun: Stephan Kunz, directur dal museum d'art dal Grischun

Catalog
Per l'exposiziun cumpara in catalog cun ina introducziun da Stephan Kunz; 128 paginas, 100 illustraziuns

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00