Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

2013

​Jahresausstellung
der Bündner Künstlerinnen und Künstler
08.12.2013 - 19.01.2014

Sco finiziun dal program d'exposiziun 2013 preschenta il museum d'art dal Grischun a Cuira l'exposiziun annuala d'artistas e d'artists grischuns. L'exposiziun dat ina survista da la lavur artistica actuala prestada en il e dal Grischun. Quest onn èn vegnidas envidadas 40 artistas ed artists da mussar lur ovras. Per quest intent stat a disposiziun la villa Planta.

Autorisads da sa participar a l'exposiziun annuala èn artistas ed artists ch'èn burgais dal Grischun u ch'èn creschids si en il Grischun sco er tut quellas e quels che han gia dapi almain in onn domicil fix en il chantun. Las artistas ed ils artists èn s'annunziads per sa participar a l'exposiziun cun ina documentaziun e cun ina proposta d'exposiziun da maximalmain trais ovras. Tut las annunzias èn vegnidas valitadas, quai vul dir èn vegnidas admessas a l'exposiziun u refusadas. La giuria sa cumpona d'in represchentant da l'uniun grischuna d'art (Marco Obrist, curatur da la chasa d'art a Zug), da duas represchentantas da las artistas e dals artists grischuns (Menga Dolf, artista, e Corina Menn, architecta), d'in commember che vegn designà libramain (Christof Rösch, artist e manader da NAIRS) sco er d'in expert d'ordaifer (Konrad Bitterli, curatur dal museum d'art da Son Gagl). Totalmain hai dà 115 annunzias. La giuria ha tschernì ed admess 40 artistas ed artists a l'exposiziun. Per las posiziuns elegidas stattan quest onn a disposiziun tut ils locals da la villa Planta.

La vernissascha publica da l'exposiziun ha lieu sonda, ils 7 da december 2013, a las 17.00. A questa occurrenza vegn preschentada la nova publicaziun dad Evelina Cajacob che ha survegnì a chaschun da l'ultima exposiziun annuala il premi d'art da medias Südostschweiz. Durant l'exposiziun vegn organisada mintga gievgia saira ina visita guidada publica sco er ina bar artistica ch'envida ad in barat da las artistas e dals artists cun il public interessà. A chaschun da la vernissascha sco er ils 13 ed ils 20 da december ha lieu ultra da quai ina performance da Chris Hunter + Alexandra Meyer.

Quest onn sa participeschan las suandantas artistas ed ils suandants artists:
Remo Albert Alig, Elia Aubry, Mirko Baselgia, Corina Bezzola, Micha Bietenhader/Selina Frölicher, Notta Caflisch, Evelina Cajacob, Sandra Capaul, Livio Casanova, Robert Cavegn, Seraina Feuerstein, Corsin Fontana, Gabriela Gerber/Lukas Bardill, Conrad Jon Godly, Annatina Graf, Gian Häne, Chris Hunter + Alexandra Meyer, Monica Ursina Jäger, Lilly Keller, Agnieszka Kozlowska, Zilla Leutenegger, Catrin Lüthi K, Patrik Marcet, Gaspare Melcher, Julia Minnig, Ursula Palla, Paolo Pola, Ramona Proyer, Selina Reber, Daniel Rohner, Christoph Rütimann, Gaudenz Signorell/Gioni Signorell, Jules Spinatsch, Georg Tannò, Hannes Vogel, Ester Vonplon, Pascale Wiedemann/Daniel Mettler, Lydia Wilhelm, Dominik Zehnder, Thomas Zindel

Vernissascha: sonda, ils 7 da december, a las 17.00
I discurran Martin Jäger, cusseglier guvernativ, Stephan Kunz, directur dal museum d'art dal Grischun ed Andrea Masüger, CEO da medias Südostschweiz
Performance: Chris Hunter + Alexandra Meyer
Aperitiv e festa: cun musica da DJ D. Brun del Re en la sala blaua da l'hotel Trais Retgs

Museum d'art dal Grischun Bahnhofstrasse 35 CH-7000Cuira T +41 81 257 28 70 . info@bkm.gr.ch
Ma-Du 10.00 – 17.00 Gi 10.00 – 20.00