Bündner Kunstmuseum Chur
Museum d’art dal Grischun Cuira
Museo d’arte dei Grigioni Coira

​Hugo Suter (1943–2013)
je meer ich see

Hugo Suter, je meer ich see, 2003–2004
Hugo Suter (1943–2013) è vegnì enconuschent enturn l'onn 1970 sco commember da la cuminanza d'atelier Ziegelrain dad Aarau e vala sco represchentant impurtant da l'art experimental en Svizra.
Sia ovra è caracterisada tras analisas cuntinuantas dal vesair. En fotografias, graficas, art d'objects e maletgs da vaider ha el tematisà la volatilitad dal mument e la variabilitad dal vesair. La seria da maletgs che cumpiglia pliras parts e che sa numna "je meer ich see" mussa reflexiuns da l'aua levamain en moviment: Tras la supraposiziun da pliras stresas da colur d'acril resultan differentas situaziuns da glisch. In'ulteriura stresa fina dad Iriodin®, ina vernisch industriala, dat a la seria ina glischur perlanta: La colur sa mida tut tenor l'angul da contemplaziun. Las reflexiuns volatilas ha Suter picturà enturn l'onn 2003 en ses atelier al Lai da Hallwil. Grazia a la donaziun da sia dunna Mariann Suter ha la lavur che sa cumpona da pliras parts chattà la via en la collecziun dal museum d'art dal Grischun.
Hugo Suter (Aarau 1943–2013 Aarau)
je meer ich see
2003–2004
colur d'acril, vernisch transparenta e pigments da glischur perlanta
Iriodin sin platta da fibras
27 parts, mintgamai 62 x 70 cm
196 x 600 cm (dimensiun d'installaziun)
Museum d'art dal Grischun Cuira,
donaziun da Mariann Suter or dal relasch da l'artist (2017)
  • Rumantsch
Uras d'averturaMa-Du 10.00 – 17.00 Gi 10.00 – 20.00